हराएका एघार जना भेटिए

चितवन, माघ १९ - सोमेश्वर सामुदायिक वनमा अमि्रसो काट्न गएका चितवन बघौडा- ४ शीतलपुरका ११ जना २४ घन्टापछि परिवारको सम्र्पकमा आएका छन् ।
 अम्रिसो काट्ने क्रममा भारतको पश्चिम चम्पारण पुगेका आफूहरू बाटो बिराएपछि रातभर जगङ्लमै बसेको हराएकीमध्येकी एक विष्णुमाया पौडेलले बताए

बिहीबार बिहान जङ्गलतर्फ गएका उनीहरू रातिसम्म पनि घर नफर्किएपछि इलाका प्रहरी कार्यालय वसन्तपुर र स्थानीयवासी उनीहरूको खोजिका लागि आज बिहानै सोमेश्वर जङ्गलतर्फ गएका थिए ।

सोमेश्वर जङ्गलको सुत्केरी डाँडा भन्ने ठाउँमा पुग्दै गर्दा अम्रिसो काट्न गएकाहरू फर्कर्दै गर्दा भेटिएका थिए । उनीहरूले प्रयोग गर्नेगरेको मोबाइल स्वीच अफ भई सम्पर्कमा नआउँदा भारतीय सीमा सुरक्षाबल एसएसबीका जवानहरूले उनीहरूलाई नियन्त्रणमा लिएको हुनसक्ने आशङ्का गरिएको थियो ।